Ditlindje shtatori

Eshtë bukur të lindësh në shtator
e arta vjeshtë c'dekor
e porsi gjethezat
urimet fluturojnë
e shpirtin e nënës bekojnë
atë që hesht përjetë...
por kjo ditë shtatori me ngjyra vjeshte i flet.
Ia bekon cdo dhembje
edhe fjalët që nuk i tha
kur pesha e jetës
porsi barrë jetën jetës ngarkuar ia la
e plot me jetë
përshëndet përjetë
shtatorit
vjeshtanak.

Bunker

Ti vendit tand i ik cdo ditë
rrethuar nga mendime t'errëta
armik në zyrë,
në rrugë,
në parti armik.
Armik  në shtëpi,
në kufi,
në gjithësi ...
armik.
Ti vendit tand mos i ik
e shpirtit dhuroji përditë
nga një mirnjohje t'falenderimtë,
edhe pse nderin s'e njohe asnjëherë
se ty askush s'të bëri nder.
Dhunuar me bunkerë
n'vend të një toke të lulzume...
betoni-bunker
në vend të rrugëve të asfaltume.
Bunker izolimi...andrrave të andërrimit
bunker pranverave të dimrit.

Histori e shkurtër e ''Një jetë...disa histori''

Eshtë pothuajse katër vjec kjo historizë por mbart kaq shumë emra, personazhe, problematikë saqë natyrshëm më nxit të jem falenderuese që këtë komunitet të gjallë dhe aktiv media arrin ta përjetësojë duke jua transmetuar edhe brezave. Dhe keshtu ka ndodhur në fakt, atë maj kur promovohej Charld Telford Erickson në Vatër me autor Mal Berishën, pikërisht aty do të nisnin kontaktet e para me televizionin Albanian Culture TV, me kronikat e pafundme mbi festat dhe gëzimet, tubimet dhe promovimet, sukseset dhe vështirësitë që janë sfida që jo pak herë i bëjnë bashkë shqiptarët e Amerikës. Ndodh që në momente të tilla të takosh miq që koha të bën ti njohësh pak nga pak e të mbeten të tillë përjetë.