A e din se cdo të thotë të vish nga një qytet i varfër?!Të mos dijë të flasë askush për ty...
edhe pse muret e stërlashta heshtin si murale konvencionesh,
brenda tyre
njerëz të rinj
zhurmojnë e dëshmojnë cdo ditë se cdo të thotë
prej varfërish shpirtrore të lindësh.
Prej tyre
mbijetesa e jetës
është anonime.
Kur endesh indeve plot fije andrrash-ëndërrime
që s'të kthejnë dot udhës së lashtë
kur shpirti lutej për mirësi
atë që Zoti dot s'ta fal,
e nganjëherë as trungu prej nga ke lind.
A din cfarë domethënë të jesh i varfër
e askush të mos dojë të flasë për ty
t'harrohet emri e bashkë me të
eh sa breza zhyten në varfëri.
A e din se cdo me thanë të lindësh në një qytet të varfër?!
Që s'pasurohet kurrsesi prej servilizmash
as urrash bajate
që prej forcë pushtetesh nënshtrohen përjetësisht.
A din cfarë domethanë të jesh i varfër
tingujt që shpikin jetë ti urresh...
me xhelozitë që vrasin pa shkak
të ardhmen e vet!
