Kam parë sy

Kam parë sy që fshihen
e nga pas i kam ndjekur me dëshirën me ua ndie arsyen.
Kam parë sy që s'qeshin
e nëpër lot u kam ndjere dhembjen.
Kam parë sy që në sy s'të shohin,
duke iu ik shikimeve të paqta
të kaltqarta
se në thelb t'shpirtit u lëngonin gabimet
ca gabime t'trasha
të varfra.
Në sy kureshtarësh,
syfëmijësh
që duan me ditë e me mësu
adhurueshëm shikimet mpiksen
në projeksione mendimesh
që puthen.
Në sy fituesish
kur humbjet janë jo ankth
por hapi tjetër drejt jogabimit.
Në lot humbësish
dëshmitare fitoresh që nxisin triumfin.
Kam parë sy,
SY,
dëshmitare humbjesh
por edhe fitoresh.